 |
| Why did the chicken cross the road? Cos they were dead and frozen in these Hino 300 refrigerator trucks, driving all over Namibia. |
Die eerste ding wat jy deesdae hoor as jy uitvra oor
die Toyota Groep se reeks lories, is dat die korrekte uitspraak eintlik
‘hie-nou” is, nie ‘haai-nou’ nie.
Hie’ onne’ inni Kaap val die uitspraak nogal maklik
oppi tong. Maar o wee, die oor-ronders fon Pittorio sokkel so ’n bietjie om sulke
suiwer “Joponees” te prott.
Maar of jy dit nou haai-nou of hie-nou uitspreek, die
lorries is Suid-Afrika se mees-vetroude naam
onder entrepeneurs. En lankal nie net die klein Dyna lorrietjie waarvan daar nog so baie modelle uit die 1970s rond ry nie. Hino het Mei maand ’n R55 miljoen aanleg in Prospekton geopen, waar 65 personnellede 12-uur skofte werk om van die kanniedood Dyna tot die enorme voorhaker Hino 700 te bou. Die monteer lyn is een van net 19 globaal, en volg rekord plaaslike verkope laasjaar, wat teen 3 461 eenhede die negende-beste te wêreld buite Japan was. Dit ondanks die feit dat Hino in Suid-Afrika met goeie lorries uit Europa, die VSA, Sjina, Indïe en Korea meeding.
onder entrepeneurs. En lankal nie net die klein Dyna lorrietjie waarvan daar nog so baie modelle uit die 1970s rond ry nie. Hino het Mei maand ’n R55 miljoen aanleg in Prospekton geopen, waar 65 personnellede 12-uur skofte werk om van die kanniedood Dyna tot die enorme voorhaker Hino 700 te bou. Die monteer lyn is een van net 19 globaal, en volg rekord plaaslike verkope laasjaar, wat teen 3 461 eenhede die negende-beste te wêreld buite Japan was. Dit ondanks die feit dat Hino in Suid-Afrika met goeie lorries uit Europa, die VSA, Sjina, Indïe en Korea meeding.
As 'n Nambïer hom laaik...
Die Hino 300 val net mooi in die middel van die reeks Hino trokke en Namib Mills het die maand vir 18 nuwe 300s geteken om pasta, meel en dier voere regoor ons reuse buurland af te lewer. Die groep het ook ses koeltrokke bestel om bevrore hoender karkasse mee af te lewer. Serco Kaapstad het die koeltrokke op die vastebak 915 modelle van die Hino 300 gemonteer.
Nou sal vlootbestuurders jou
vertel as ’n Namibïer meen ’n lorrie gaan op hulle paaie hou, kan enige ander
land maar gerus daai lorrie se bande gaan skop.
Die Hino 300 is egter nog ’n rare gesig in die Kaap.
Een van die verkoopsmanne by Imperial Hino Truck in Parow vertel hulle verkoop
veral die vyf-tonners, wat aan hulle nommers geken word as die 814, 815, 915. “Ons
verkoop hulle in enige vorm, van seil-kante tot valkante,” het die verkoopsman
vertel. Maar nie soveel agt tonners nie.
“Ons het tot onlangs toe nog baie van hulle (agt
tonners) verkoop, maar sal nou eers vir die volgende paar dekades moet wag dat die
lorries eers oud word voor ons weer nuwes kan verkoop,” meen die
verkoopsman.
Hier om te bly
En terwyl Ford laas week afgekondig het hul wonder of hulle verder in hul fabrieke in Silverton, Pretoria durf investeer midde al die stakings van die metaalwerkers en vragmoterbestuurders, is die Hino naam nou te goed ingegrawe om kop uit te trek.
Toyota Suid-Afrika se
grootbaas, Dr Johan van Zyl, vertel die Hino monteerlyn langs die Toyota
fabriek in Prosecton is net een van ’n string bellegings van oor R1 triljoen
wat Toyota onlangs in Suid-Afrika bel& het. Ander monteerlyne in Prospecton
die afgelope paar jaar sluit die Siyaya en plaaslik-ontwerpde Corolla Quest in.
Intussen is Hino se handelaars ook besig om in nuwe toerusting en geboue te belê. Nie-uitvoerende raadslid Sindi Mabaso-Koyana vertel baie van die handelaars is al sedert 1972 in die Hino stal en sy nooi enige een wat nog weet hoekom mens “hie-nou” en nie “haai-nou” nie, om in te loer en agter te kom hoekom die lorries so lank aanhou aflewer.
Intussen is Hino se handelaars ook besig om in nuwe toerusting en geboue te belê. Nie-uitvoerende raadslid Sindi Mabaso-Koyana vertel baie van die handelaars is al sedert 1972 in die Hino stal en sy nooi enige een wat nog weet hoekom mens “hie-nou” en nie “haai-nou” nie, om in te loer en agter te kom hoekom die lorries so lank aanhou aflewer.
(First published in the motoring supplement of Die Burger.)
