Die eerste
RS Audi in SA was ‘n stasiewa, maar die rooi Avant se hantering en versnelling
het in 1994 elke rooibloed pa laat regop sit.
BMW wys met ’n
“M” watter van hul motors vinniger as ander is. Merc waarsku met “AMG” dis nie ’n
kar vir kerk toe gaan nie. Op ‘n Audi vertel die letter R dat als, van die
dempers tot die kleppe, vir verrigting ingestel is.
In vergeleke
met die lang geskiedenis van die ander twee Duitsers is Audi die nuweling in
die vinniger-maak arena. Audi het eers in 1983 begin om verrigtingsmodelle
gebou. Eie aan Audi se aard was die eerste RS model in SA dan ook nie ’n
twee-deur afslaankap of gestroopde vierdeur ren-sedan nie, maar ’n stasiewa. So
’n bloue.
Daai boksvormige,
lang RS Avant het 1994 nie die mededingers skrikgemaak nie. Maar die hantering en
versnelling van die Porsche vyf-sillinder enjin en destyds se torsen-stelsel
het elke rooibloed pa laat regop sit.
Sederdien
het niks verander, en het die drie middeljarige petrolkoppe op die wêreld se
mees-gekykte, feitelik televisie program, “Top Gear”, onlangs weer vertel as jy
‘n kragtige motor vir alledaagse gebruik soek, kies ’n Audi met ’n R op die
stert. Die vering en hantering van die ander twee Duitsers se verrigtinsmodelle
is eerder vir renbane bedoel.
Tydens die
bekendstelling van Audi se RS5 afslaankap het produk bemarker Sameerah Bhabha vertel
dat daar binnekort sewe RS-modelle in SA te koop sal wees. “In die laaste
kwartaal van 2013 beplan Audi Suid-Afrika om die RS 7 Sportback en die RS Q3
bekend te stel, wat die aantal RS-modelle op sewe te staan sal bring,” vertel Bhabha. Hierteenoor
bied Mercedes-Benz 17 AMG modelle en BMW agt M modelle. Audi se verkoopsyfers
vir die R motors is egter meer as drie keer minder as die twee mededingers s’n,
wat meen Audi bestuurders kan drie keer meer ekslusief voel.
Bhabha
vertel dat ’n konstante 700 Nm vanaf 1,750 rpm die RS7 sportpack in onder vier
sekondes van 0-100 km/h laat versnel, terwyl die RS Q3 sportnuts met die spaarsamige
2.5-liter, 5-sillinder turbo enjin aangedryf sal word. Die enjin was al drie
keer internasionale enjin van die jaar en Audi maak aanspraak op ’n verbruik
van 8.8 l/100 km (11 km/l).
Audi
R-modelle
RS4 Avant: R
893,000
RS5 koepee:
R 926,000
RS5
afslaankap: R986,000
Audi TT RS
koepee: R 748,000
Audi TT RS
Roadster: R 783,500
Bostaande
pryse sluit in all belastings en ’n standaard 5-jaar/100 000km Audi Freeway
Plan.
